Адрас: 223232, Мінская вобл., г. Чэрвень,
пл. Свабоды, 1

E-mail: isp@cherven.minsk-region.by (для дзелавой перапіскі), электронныя звароты для зваротаў грамадзян і юрыдычных асоб

Тэлефон: +375 (1714) 2-60-51

Факс: +375 (1714) 2-82-32

Рэжым працы: Пн.-Пт., 8:00 - 17:00, абед 13:00-14:00, вых. Сб.-Вс.

КУДЫ ЗВЯРНУЦЦА

10.07.2019 13:42

Дзень Новых Зелянкоў: і я там быў, ім песні спяваў!

Дзень Новых Зелянкоў: і я там быў, ім песні спяваў!

Нядаўна мне і маім калегам пашчасціла пабываць на свяце вёскі Новыя Зелянкі. І не проста пабываць, а выступіць там, каб парадаваць новазелянкоўцаў.

На Дзень вёскі прыйшлі, як той казаў, і стары, і малы - амаль усе, хто на той час быў дома. З віншавальным словам выступіў дырэктар СПФ «Новыя Зелянкі» ААТ «Мінскі малочны завод» Уладзімір Лаўрык і старшыня Руднянскага сельскага савета Мікалай Нахамчык.

Асабліва адзначылі ветэранаў працы, якія жывуць у Новых Зелянках, і старажылаў вёскі.

Для дзяцей замовілі атракцыёны. Райпо з раніцы выставіла свае гандлёвыя палаткі. Працавалі атракцыёны для шматлікіх дзетак. Удзельнікаў свята арганізатары частавалі вельмі смачнай юшкай.

Якое свята без песні? На радасць усім прысутным выступалі вакальныя ансамблі «Салавейка» і «Крыніцы» Раваніцкага сельскага Дома культуры.

Пацешыла сваімі вакальнымі дадзенымі і забіяцкай прыгажосцю вакалістка Надзея Чарніцкая. Пастараўся перадаць людзям прыемныя хвіліны сваім спевам і я, Андрэй Хурсевiч. Заўсёды прыемна ўдзельнічаць у такіх мерапрыемствах: людзі шчырыя, падтрымліваюць, падпяваюць. І хоць гэта быў выхадны дзень а мы, атрымліваецца, працавалі, але гэта вельмі добрая праца, якая прыносіць радасць і задавальненне.

Андрэй ХУРСЕВIЧ. Фота Вольгі ЛАЎНІКОВІЧ

35 разоў (а)