Адрас: 223232, Мінская вобл., г. Чэрвень,
пл. Свабоды, 1

E-mail: isp@cherven.minsk-region.by (для дзелавой перапіскі), электронныя звароты для зваротаў грамадзян і юрыдычных асоб

Тэлефон: +375 (1714) 2-60-51

Факс: +375 (1714) 2-82-32

Рэжым працы: Пн.-Пт., 8:00 - 17:00, абед 13:00-14:00, вых. Сб.-Вс.

КУДЫ ЗВЯРНУЦЦА

03.10.2019 09:10

Краіны ЕАЭС падпісалі пратакол аб пераразмеркаванні ўвазных мытных пошлін

Краіны ЕАЭС падпісалі пратакол аб пераразмеркаванні ўвазных мытных пошлін

Краіны Еўразійскага эканамічнага саюза падпісалі пратакол аб пераразмеркаванні ўвазных мытных пошлін, паведамілі БЕЛТА ў прэс-службе Еўразійскай эканамічнай камісіі. У адпаведнасці з дакументам нарматыў адлічэння ўвазных пошлін на карысць Беларусі павялічаны.

"Члены Вышэйшага Еўразійскага эканамічнага савета на пасяджэнні 1 кастрычніка ў Ерэване (Арменія) узгаднілі памеры нарматываў размеркавання сум увазных мытных пошлін паміж бюджэтамі дзяржаў - членаў Еўразійскага эканамічнага саюза", - адзначылі ў ЕЭК.

Падпісаны пратакол аб унясенні змяненняў у Дагавор аб ЕАЭС, а таксама аб змяненні і спыненні дзеяння асобных міжнародных дагавораў з 1 студзеня 2020 года.

"Згодна з пратаколам нарматывы размеркавання сум увазных мытных пошлін для кожнай дзяржавы-члена ўстанаўліваюцца ў наступных памерах: Арменія - 1,220 працэнта; Беларусь - 4,860 працэнта; Казахстан - 6,955 працэнта; Кыргызстан - 1,900 працэнта; Расія - 85,065 працэнта", - падкрэслілі ў ЕЭК.

Палажэнні пратакола будуць прымяняцца дзяржавамі - членамі ЕАЭС з 1 студзеня 2020 года.

Цяпер нарматывы размеркавання сум увазных мытных пошлін устаноўлены ў наступных памерах: Арменія - 1,22 працэнта, Беларусь - 4,56 працэнта, Казахстан - 7,055 працэнта, Кыргызстан - 1,9 працэнта, Расія - 85,265 працэнта.

18 разоў (а)