Адрес: 223232, Минская обл., г.Червень,
пл. Свободы, 1

E-mail: isp@cherven.minsk-region.by (для деловой переписки), электронные обращения для обращений граждан и юридических лиц

Телефон: +375 (1714) 2-60-51

Факс: +375 (1714) 2-82-32

Режим работы: Пн.-Пт., 8:00 - 17:00, обед 13:00-14:00, вых. Сб.-Вс.

КУДА ОБРАТИТЬСЯ

Четверг, 11 октября 2018 года, 12:53

Смілавіцкі сельскі Савет і старшыня ветэранскай арганізацыі наладзілі канцэрт народнай музыкі, прысвечаны Дню пажылых людзей

Смілавіцкі сельскі Савет і старшыня ветэранскай арганізацыі наладзілі канцэрт народнай музыкі, прысвечаны Дню пажылых людзей

Смілавіцкі сельскі Савет і старшыня ветэранскай арганізацыі сельсавета Іван Ярашэвіч наладзілі канцэрт народнай музыкі, прысвечаны Дню пажылых людзей. На гармоніках паказвалі сваё майстэрства гарманісты з Мінска і Смілавіч. “Запальваў” прысутных гарманіст-віртуоз мінчанін Віктар Сталярык, дыпламант і прызёр шэрагу рэспубліканскіх конкурсаў гарманістаў.

Пад яго мелодыі слухачы таньчылі “Польку”, “Абэрак” і іншыя народныя танцы.

Так падабалася яго выкананне народнай музычнай спадчыны, што адбылося другое аддзяленне яго выступлення – не запланаванае.

Вясялілі, радавалі людзей смілаўчане Віктар Харытановіч і Любамір Філіповіч. Яны выступалі як сольна, так і дуэтам.

Усім прысутным вельмі спадабаліся мініяцюры, віртуозна выкананыя на звонкім гармоніку Віктарам Харытановічам.

Падтрымалі гарманістаў-ветэранаў і юныя таленты. Віалета Бурак ужо ў другі раз перад слухачамі ў амфітэатры. Сёлета на акардыене яна выдатна выканала шэсць твораў. Асмеліўся ўпершыню выступіць перад публікай Міхаіл Свірыдовіч.

Смілаўчане запрасілі Віктара Сталярыка яшчэ раз прыехаць у Смілавічы сумесна з братам, таксама гарманістам.

Іван Ярашэвіч, 
г.п.Смілавічы

58 раз (а)